الرئيسية
أحدث الصور
غاردينيا الإثنين يونيو 06, 2011 6:12 pm
دمعه جرت ع الخد
قلتلها سبتى مكانك ليه ؟
قالت كفايه حبس
مش قادرة أتحمل
هى الدموع فى العين
مخلوقه تتخزن؟؟
مش لاقيه راحه فى مكانى
من كتر أحزانك
حابس دموعك ليه
ماتسيبها تتحرر
لو انت قادر تدارى
مش قادرة أنا أكمل
مكانى على خدك
مش جوة فى عيونك
خلينى اجرى وغيرى
ترتاح من الاحزان
وتنسى اوجاعك
ابكى على نفسك
الغافله وتقصيرها
أبكى على عمرك
ضيعته فى الفاضى
ولا تبكى على ظلمك
لان فى سيدك
قادر يرجعلك
حقك وبالكامل
لكن عملك بس
لايمكن حيشفعلك
ابكى على ذنبك
وابكى على غيرك
دى نعمه غاليه بجد
ربك وهبهالك
الدمعه تغسل روح
ماتبخل على نفسك
كبت الدموع قسوة
صدقنى مش قوة
